പെയ്തു തോരാതെ

ഒരു നേർത്ത മഴച്ചാറ്റലിന്റെ

മൃദുലമാം സ്പർശം 

തഴുകുന്നു മെല്ലെ തളിരിതൾ 

പൂക്കുമീ പൂവാകയിൽ  

മഴനൂൽക്കിനാവിലുണരുന്നു 

നിന്റെ പ്രണയാർദ്ര ഭാവസ്പന്ദനം

വിടരുമീയനുരാഗ മലരുകൾ 

ചുംബനം കൊണ്ടു മൂടുവാൻ 

പെയ്യുമീ മഴമുകിൽപ്പക്ഷി 

പെയ്തുതോരാതെ പിന്നെയും 

വീണ്ടുമൊന്നായലിയുവാനായ്  

കിനാവിൽ കാത്തു നിൽക്കയോ?

പൂക്കളിൽ നിന്നരുണാഭയിൽ 

നാമ്പിടുന്ന മുകുളങ്ങളിൽ 

വിടരുവാൻ കൊതിയാർന്നു

നിൽക്കുമീ വസന്തസൂനങ്ങളിൽ 

പുണരുന്നു മെല്ലെ പ്രണയമണിവിരൽ 

എഴുതുമീ പുളകങ്ങളായ്….