പാൽനിലാവൊളി

പാതിരാ നക്ഷത്രങ്ങൾ 

പകലിനെ മോഹിക്കുമ്പോൾ 

ജാലകച്ചില്ലിന്നരികെ 

പാതിരാമഴ നനയുമ്പോൾ 

നെയ്ത്തിരിയെരിയും പോലെ 

നിറയുന്നതേതു നിമിഷം 

മിഴികളിൽ സ്വപ്നം പോലെ

ഈറൻ തണുപ്പിൻ തൂവൽ

നിലാവിൽ തലോടും പോലെ 

മഴയോർമ്മ തഴുകും പോലെ 

ഇതളൂർന്നു വീഴും വഴിയിൽ 

പനിനീർപ്പൂവിതളായ് നമ്മൾ 

പരസ്പരം പുണരും നിമിഷം 

പാടുന്നു ദൂരെ ദൂരെ 

പാൽനിലാവൊളി വിതറുമ്പോൾ 

ആശ തൻ കമ്പളമരികെ 

ആകെയും മൂടും നേരം 

നീയാരെയോ തേടുന്നില്ലേ 

പാതിരാ നക്ഷത്രങ്ങൾ 

പകലിനെ മോഹിക്കുമ്പോൾ 

ജാലകച്ചില്ലിന്നരികെ 

പാതിരാമഴ നനയുമ്പോൾ 

നീയാരെയോ തേടുന്നില്ലേ