നാടൻപാട്ട്.രചന :- ബിനു. ആർ
നാടൻപാട്ട്.രചന :- ബിനു. ആർ
ചന്തംവഴിയുന്നചന്ദ്രലേഖേ നിന്റെ
ചന്ദനപ്പൊട്ടൊന്നു കടംതരുമോ
ചന്ദനചേലൊത്ത എൻ കവിളിൽ ഈ
ചന്ദനച്ചാർത്തൊന്നു പൂശിടട്ടെ!
( ചന്തം..)
ഇന്നലെ രാത്രിയിൽ വീശിപ്പരന്ന
ഇന്ദുലേഖ തൻ നീലനിലാവിലെല്ലാം
ഇന്നത്തെ രാത്രിയും പ്രശോഭിതമല്ലോ
ഇന്ദുചൂടന്റെ വെൺമണിമണിക്യമല്ലോ!
( ചന്തം..)
രാധാരമണന്റെ നായികയായി നീ
രാഗം താനം പല്ലവി തേടിയല്ലോ
രാധതൻ പ്രേമവും എന്റെ പ്രണയവും
രാവെല്ലാം പുല്ലാങ്കുഴലിൻശ്രുതി
തേടിയല്ലോ!
( ചന്തം...)
വെൺപട്ടുവിരിയിച്ച രാവിലെല്ലാം
വെൺചന്ദ്രികയാൽ മഴനൂലുകൾ
പെയ്തുവല്ലോ
മരംകോച്ചും മഞ്ഞിൻ മടിയിൽനിന്ന്
മഞ്ഞുപോൽ നിൻമുഖം തുടുത്തുവല്ലോ!
(ചന്തം.. )