കൂട്ട്

തന്മയത്വമിയന്ന ചിന്തകളിലെല്ലാം

വന്നുതുടിക്കുന്നുണ്ടിപ്പോഴും

ചെറുപഠനമുറിയിലെ കുഞ്ഞോർമ്മകൾ,

ഒരുകാലമെൻ തളരാത്തമനസ്സിൽ

സാന്ത്വനമായ് നിറഞ്ഞുനിന്നിട്ടുണ്ട്.

അതെന്തെന്നു ഞാൻ ഇപ്പോഴും

ചികഞ്ഞുനോക്കവേ,

തെളിഞ്ഞുവരുന്നതൊന്നുമാത്രം,

ഇന്നീ കളിചിരിയുടെ വ്യത്യസ്തമാം നിറചിരിമിഴികളിലൊരിക്കലും

വിരിഞ്ഞുവരാത്തൊരു മിന്നൽപ്പൂവ്.

അതുകണ്ടെത്താൻ മനസ്സുപിടയുന്നുണ്ട് 

ഈ ജീവിതസായന്തനത്തിലും,

അതൊരിക്കലും പിരിയരുതെന്നു

നിനച്ച മൂന്നു മനസ്സുകളുടെ കൂട്ടുമാത്രം,

തരളിത നിസ്വനങ്ങളുടെതരാട്ടുമാത്രം,

ഹൃത്തിന്നിടയിലെ നിഴലനക്കങ്ങൾ മാത്രം,

പിരിയരുതെന്നുകരുതിയ കൂട്ടിന്റെ കൂട്ടുമാത്രം...!