ಸಂಕ್ರಾಂತಿ

ಸಂಸ್ಕೃತಿಯನ್ನು ತೋರುವ ಸುಗ್ಗಿಯ ಹಬ್ಬ

ಎಳ್ಳು-ಬೆಲ್ಲ ಬೀರಿ ಹಂಚುವೆವು ಕಬ್ಬ

ಉತ್ತರಾಯಣದಲ್ಲಿ ಸೂರ್ಯನು ಮೂಡಿ

ಮಾಡುವನು ಜನರ ಮೇಲೆ ಬಲು ಮೋಡಿ

ಮನ-ಮನಗಳು ಬೆರೆತು, ಮನೆ-ಮನೆಗಳು ಕೂಡಿ

ಆಚರಿಸುವೆವು ಸುಗ್ಗಿ ಎಲ್ಲ ಜೊತೆಗೂಡಿ

ಜಾತಿ-ಭೇದ ಮರೆತು

ಪ್ರೇಮ ಭಾವ ಬೆರೆತು

ಭೂತಾಯಿಗೆ ನತಮಸ್ತಕರಾಗಿ

ಆನಂದಿಸುವೆವು ಸ್ನೇಹದ ಸುಗ್ಗಿ

ಸದಾ ನೆಲಸಲಿ ಶಾಂತಿ

ನಿತ್ಯಾನಂದನವಾಗಿ ಉಳಿಯಲಿ ಪ್ರೀತಿ

ಆಗುತ್ತಿರಲಿ ಸುವಿಚಾರಗಳ ಕ್ರಾಂತಿ

ಮತ್ತೆ-ಮತ್ತೆ ಬರುತಿರಲಿ ಸಂಕ್ರಾಂತಿ.