ಶ್ರೀ ಚಂದ್ರಘಂಟಾ ದೇವಿ

ಆಕಾಶದಷ್ಟು ವಿಶಾಲ

ನೀಲಿ ಬಣ್ಣದ ಚಪ್ಪರದಲ್ಲಿ

ಚಂದ್ರನ ಮುಖಾರವಿಂದ

ದಿಟ್ಟಯಾತ್ರೆಯಲ್ಲಿ

ದುಷ್ಟ ಶಕ್ತಿಗಳ ನಿಯಂತ್ರಿಸಿ

ಘಂಟಾನಾದದಲ್ಲಿ

ಮೊಳಗಲಿ ಸತ್ಯದ ವಿಜಯ

ಚಂದ್ರಾಕಾರದ ಘಂಟೆಯನ್ನು

ಮಸ್ತಕದಲ್ಲಿ ಧರಿಸಿಹಳು

ದುರ್ಗೆಯ ಅವತಾರದವಳು

ಸಿಂಹದ ವಾಹನದಲ್ಲಿ

ಘರ್ಜಿಸುತ್ತ ಸಾಗಿಹಳು

ದಶದಿಕ್ಕುಗಳಲ್ಲಿ ಸಂಚರಿಸಿ

ದಶಕರಗಳಲ್ಲಿ ಶಸ್ತ್ರಾಸ್ತ್ರಗಳು

ಮೂರನೇ ಕಣ್ಣನ್ನು ತೆರೆದಿಟ್ಟು

ಜಗತ್ತನ್ನು ಕಾಯ್ವವಳು

ಕಡುನೀಲಿ ಬಣ್ಣದ ಚಲುವೆ

ನಮ್ಮೊಳಗಿನ ಧೈರ್ಯದ ನಿಲುವೆ.