ಮುಗ್ದ ಮನಸು

ಕರೆಯದ ಹೊರತು ಬರಯೆ ಏನು 

ಕಾಣುವ ಬಯಕೆ ನಿನ್ನ ಕಾಡದೇನು 

ಮುಗ್ದ ಹುಡುಗಿಯ ಮನವಿದು 

ಹೆಣ್ಣಿನ ಮನ ಬಯಸದೇನು 

ಮುಂಗೋಪಿ ಮುದ್ದು ಚೆಲುವ 

ಹೇಳದೇ ಕದ್ದು ಹೋದೆಯ ಮನವ 

ಕನಸುಗಳು ನೂರೊಂದು ಬಿತ್ತಿ 

ವಿರಹ ಸುಡುತಿದೆ ಎದೆಯ ಹೊತ್ತಿ 

ಇರುಳಲಿ ಕನವರಿಕೆಯಾಗಿ ನೊಂದೆ 

ಬಳಿ ಬರದಿರಲು ಮಾಡಲೇನು ಮುಂದೆ 

ಅಚ್ಚ ಹಸಿರು ಒಣಗಿ ಉದುರುವ ಮುನ್ನ 

ಬೆಚ್ಚಗಿನ ಹೊದಿಕೆಯಾಗು ಬಾರೊ ಚೆನ್ನ 

ಗುಡಿಸಲಲಿ ಗುಮ್ ಎನ್ನುವ ಒಂಟಿತನ 

ನೀ ಬರದೆ ಬರಡಾಗಿದೆ ಹೆಣ್ತನ 

ಮುದ್ದು ಗರೆದು ರಮಿಸು ಬಾ ಮೆಲ್ಲ 

ತೋಳ್ತೆಕ್ಕೆಯಲಿ ಬಂದಿಯಾಗುವೆ ನಲ್ಲ