ಹರೆಯ ಹರಿಯುವ ಮುನ್ನ

ಹರೆಯ ಹರಿಯುವ ಮುನ್ನ....

ಚಳಿಗಾಲದಲಿ 

ಬಿಸಿಯಪ್ಪುಗೆಯ ಒಲ್ಲೆ 

ಎಂದರೆ ಆ ಚಳಿಗಾಳಿಗೆ

ಬೇಸರ....

ಬೇಸಿಗೆಯಲಿ

ತನು ಸುಡುತಿರಲು

ದಾಹ....

ಬೇಡಿಬಂದಳು

ನೀರಡಿಕೆ..

ಮಳೆಗಾಲದಲಿ

ಒದ್ದೆಯಾದ ಗುಬ್ಬಿ ಮರಿ

ಆಸರೆ ಬಯಸಿ ಬಂದಿರೆ..

ಇನಿಯ ಪ್ರೀತಿಸದೆ ಇರಲು

ಯಾವ ಕಾರಣ ಹೇಳು?

ಮಧುಬಟ್ಟಲು ತುಂಬಿರಲು

ದುಂಬಿಯಾಗಿರೆ ನೀನು

ಜೇನ ಸವಿಯದೆ ಬಿಟ್ಟೆಯೇನು?

ಹರೆಯ ಹರಿಯುವ ಮುನ್ನ

ಪ್ರೀತಿ ಹರಿದರೆ ಚೆನ್ನ

ಬಾಳು ಜೊತೆಯಾಗಿ 

ನಡೆದರೆ ಚೆನ್ನ..

ಕನಸು ಮಾಸಿದ ಮೇಲೆ.

ಒಲವು ಮೂಡಿದರೇನು

ಹರೆಯ ಮತ್ತೆ ಮರಳದು

ತಿಳಿದಿರಲಿ ಜೋಕುಮಾರ...