ಹೋಳಿ ಆಡೋನೂ ಬಾರ

ಹೋಳಿ ಆಡೋನೂ ಬಾರ

ಬಣ್ಣದ ಹೋಳಿ ಆಡೋನೂ ಬಾರ 

ಬಗೆ ಬಗೆ ಬಣ್ಣದ ಓಕುಳಿ ಹರಿಸಿ

ಬದುಕಿನ ಬಣ್ಣದ ಬಾಂಧವ್ಯ ಬೆರೆಸಿ ll

ಸ್ನೇಹವ ಹರಸಿ ದ್ವೇಷವ ಅಳಿಸಿ

ಕಾಮನ ದಹಿಸಿ ಪ್ರೇಮವ ಮೆರೆಸಿ

ನಲಿವನು ಕಲೆಸಿ ನೋವನು ಮರೆಸಿ

ಒಲವನು ಸೇರಿಸಿ ವಿರಹವ ಓಡಿಸಿ

ಬದುಕನು ತುಂಬಿದ ಒಲವಿನ ಬಣ್ಣ

ಮಗುವಿನ ಮೊಗದಲಿ ನಗುವಿನ ಬಣ್ಣ

ಮಾತೆಯ ಮಡಿಲಲ್ಲಿ ಮಮತೆಯ ಬಣ್ಣ

ಅಪ್ಪನ ಹೆಗಲಲಿ ಅಕ್ಕರೆ ಬಣ್ಣ

ಕತ್ತಲೆ ಓಡಿಸೋ ಹುಣಿಮೆ ಬಣ್ಣ

ಬೆಳಗಿನ ಸೂರ್ಯನ ಹೊನ್ನಿನ ಬಣ್ಣ

ಸಂಜೆಯ ಮುಗಿಲಿನ ಕೆಂಪಿನ ಬಣ್ಣ

ಬಿಸಿಲ್ ಮಳೆಯಲ್ಲಿ ಕಾಮನಬಿಲ್ಲಿನ ಬಣ್ಣ

ಅರಳಿದ ಹೂವಲಿ ಚೆಲುವಿನ ಬಣ್ಣ

ಹಾರುವ ಹಕ್ಕಿಯ ಇಂಪಿನ ಬಣ್ಣ

ಚಿಗುರೆಲೆ ಸೊಬಗಿನ ಹಸಿರಿನ ಬಣ್ಣ

ಮಣ್ಣಿನ ಸೊಗಡಿನ ಕಂಪಿನ ಬಣ್ಣ

ಹೋಳಿ ಆಡೋನೂ ಬಾರ

ಬಣ್ಣದ ಹೋಳಿ ಆಡೋನೂ ಬಾರ 

ಬಗೆ ಬಗೆ ಬಣ್ಣದ ಓಕುಳಿ ಹರಿಸಿ

ಬದುಕಿನ ಬಣ್ಣದ ಬಾಂಧವ್ಯ ಬೆರೆಸಿ ll