ಗುರು ಸ್ಮರಣೆ

ಬಾಳ ಪಥದಿ ನಡೆಯ ತೋರಿ

ಬೆಳೆಸಿದಂತ ಗುರುವೆ ನೀನು

ಅಮ್ಮ ನಿಮ್ಮ ಚರಣಗಳಿಗೆ

ನನ್ನ ಕೋಟಿ ನಮನಗಳು॥

ಪಾಠಶಾಲೆಯಲ್ಲಿ ಕೈಯ ಹಿಡಿದು

ಗುರಿಯ ತೋರಿ 

ಕಲಿಸಿ,ಹರಸಿ ನಡೆಸಿದಾ

ಶಿಕ್ಷಕರಿಗೆ ನನ್ನ ನಮನಗಳು॥

ತಪ್ಪು ತಿದ್ದಿ, ಸರಿಯ ತಿಳಿಸಿ

ಕಲಿಕೆಯನ್ನು ಸರಳಗೊಳಿಸಿ 

ಮನವ ಅನುವುಗೊಳಿಸಿದಂಥ 

ಶಿಕ್ಷಕರಿಗೆ ಕೋಟಿ ನಮನಗಳು॥ 

ಆಟ-ಪಾಠ, ನಗುವು-ಅಳುವಿನಲ್ಲಿ

ಜೊತೆಗೆ ಇದ್ದು ಮನವಗೆದ್ದ

ಬಿಚ್ಚು ಮನದ ಗೆಳೆಯರೆಲ್ಲ

ಬಾಳಪುಟದ ಗುರುಗಳು॥

ಇಂದು ನಾನು ನಿಂತ ನೆಲೆಯ

ಮೂಲವನ್ನು ಮರೆಯಲಾರೆ

ಪಥಕೆ ಬೆಳಕ ತೋರಿದೆಲ್ಲ

ಗುರುಗಳನ್ನು ಸ್ಮರಿಸುವೆ॥