ಬೇರು
ಬೇರು
ಒಂದಿತ್ತು ತಾಯಿ ಬೇರು
ನನ್ನ ಮನೆಯಲಿ
ಹತ್ತು ಮಕ್ಕಳ ರೆಂಬೆ ಕೊಂಬೆ
ಅದರ ಒಡಲಲಿ
ನಾಲ್ಕು ಹೂವು ಆರು ಹಣ್ಣು
ಹತ್ತಾರು ಚಿಗುರು ಸೊಬಗಲಿ
ಒಂದುಗೂಡಿ ಒಲುಮೆಯಿಂದ
ಬಾಳುತಿದ್ದವು ಬನದಲಿ
ತುಂಬಿದ ವನ ಒಡೆದೆ ಹೋಯ್ತು
ದಾಯಾದಿ ಕಲಹದಲಿ
ಜೀವವೊಂದು ಆರಿಹೊಯ್ತು
ಹಪ ಹಪಿ ಸಂಕಟದಲಿ
ದಿಕ್ಕಾಪಾಲು ಚದುರಿಹೊಯ್ತು
ಮಂದೆಲ್ಲ ಬಳಗವು
ಪ್ರೀತಿ ಇಲ್ಲ ಪ್ರೇಮವಿಲ್ಲ
ಬಂಧಗಳ ಎಳೆಯಲಿ
ಒಪ್ಪುತ್ತಿಲ್ಲ ಅಪ್ಪುತಿಲ್ಲ
ತನ್ನವರ ತಪ್ಪು ಮನ್ನಿಸಿ
ಬೆಪ್ಪನಾಗಿ ನೋಡುತ್ತಿರುವೆ
ತಪ್ಪಿದ ದಾರಿಯ ಸಂಧಿಸಿ
ತಾಯಿಮರ ಉರುಳೇ ಹೋಯ್ತು
ನೆನಪ ನರಳಾಟದಲಿ
ಮನವು ನೆನೆದು ಬಿಕ್ಕುತಿದೆ
ಅದರ ಬುಡದಲಿ