Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

गोवर्धन बिसेन

Abstract

4.7  

गोवर्धन बिसेन

Abstract

राजाभोज (पोवारी कविता)

राजाभोज (पोवारी कविता)

2 mins
279



 

पोवारवंश को राजाभोज की, आयको कहानी 

माता सरस्वती को वरदपुत्र,  होतो मोठो ज्ञानी ||१||

 

उज्जैनमा जन्म भयव, नवसव अस्सीको बेरा 

माय ओकी सावित्री,  राजा सिंधुराजको टुरा ||२||

 

पंधरा सालको उमरमा, बनेव मालवाको राजा 

च्यारही दिशामा दुश्मनलका, घिरी होती प्रजा ||३||

 

दक्षिण-पश्चिममा चालुक्य, उत्तरमा तुर्क राजपूत 

पुर्वमा युवराज कलचुरी, करीस  सबला पराभूत ||४||

 

सरस्वती कृपालक भेटी, चौसट प्रकारकी सिध्दी

चौऱ्यांशी विषयपर लिखीस, तीव्र भोजकी बुध्दी ||५||

 

तपस्या ना साधनालका, सरस्वतीनं  दर्शन देईस

भोजशालामा वकोसम, वाग्देवीकी मुर्ती बनाईस ||६||

 

राजसभामा भोजको होता, पाचसव बड़ा विद्वान 

बनावत रोबोटीक तकनिक, अना जहाज विमान ||७||


बेतवा नदीपर सिंचाईलाई, बांधीस मोठो सरोवर 

उज्जैनी को महाकालेश्वर, से संस्कृतीकी धरोहर ||८||

 

केदारनाथ ना रामेश्वरम, सोमनाथ अना मुण्डीर 

जीर्णोद्धार राजाकी देन, भोजपुरको शिव मंदिर  ||९||


बनाईस हर नगरमा भवन, सरस्वती कंठभरण 

भक्तीभावल् चल राज, वाग्देवीको कर स्मरण ||१०||


Rate this content
Log in

Similar hindi poem from Abstract