Library
कठाण
कठाण
1 min
211
यंदा को साल । खुस से किसान।
चांगलो कठान । भयीसेगा ।।१।।
गहु की उंबई । चना का डाटरा ।
भया रे साजरा । किसानी मा ।।२।।
धानमाच पे-या । जवस लाखोरी ।
संगमा मोवरी । बड्डापर ।।३।।
लगाया सेजन । तोरमाच भेंडी ।
तिर ना अंबाडी । धुरोपर ।।४।।
खेतमाच आमी । बनाया ख-यान ।
चुरन कठान । गोल गोल ।।५।।
देखो बादरमा । होसे पानी पानी ।
करो सांवगनी । जल्दी तुम्ही ।।६।।
धान की फसल । होसे जब नास ।
कठान की आस । किसान ला ।।७।।
मुरावो नोको रे । फसल कठानी ।
बचे जिंदगानी । एकोलक ।।८।।
हात जोड़कर । कसे गोवर्धन ।
करो तुमी मान । किसान को ।।९।।
सावंगनी = कठान (गहु, चना, लाखोरी, मोवरी, जवस इ.) जमा करनो आय.
