"हिंदी दिवस"

आज दिवस है हिंदी का, हिंदी की सब बात करो।

हिंदी का उत्थान करण नै, मन तै सभी खभात करो।।

हिंदी अपणी मातृभाषा, हिंदी तै सभ प्यार करो,

पढ़ो लिखो बोलो हिंदी, इतना तो उपकार करो,

अंटी जी के चक्कर म्हं, मतना माँ पै घात करो।

सत्य अहिंसा शांति का, हिंदी म्ह प्रचार करो,

संस्कृति अर सभ्यता के, इतिहास पै विचार करो,

अपणा सच्चा उद्धार करो, मत झूठा उत्पात करो।

भीमराव नै उन्नति के, भई मन्त्र तीन बताये,

पढ़ो लिखो एक बनो, फेर हो जांगे मनचाहे,

सबके मन को भाये, थम संघर्ष दिन रात करो।

बिना ज्ञान निज भाषा के, ना कोई ऊपर उठ पाया,

अपणी बोली सुण माणस, उन्नति का मूल बताया,

'भारती' नै समझाया, मत इस्तै छुआछूत करो।