भोजपूरी शिव भजन -सइया भोला जी के दरबार
भोजपूरी शिव भजन -सइया भोला जी के दरबार
सइया ले ले चला भोला जी के दरबार
जलवा हमहू चढ़ाइब
अईले सवनवा मगन भाईले मनवा
बाबा धाम जाये बेचेन भईले दिनवा
निक नाही लागे घरबार
जलवा हमहू चढ़ाइब
अबकी सवनवा कावर ले के जाइब
सुल्टानगंज से जलवा भरी लाइब
पैदल जाइब देवघर दरबार
जलवा हमहू चढ़ाइब
पईसा ना होखे त कर्जा ले ला बालम
हमरो कंगनवा बेची दा हो बालम
हम ना मानब ये ही बार
जलवा हमहू चढ़ाइब
सोचा जनी साजन चला बाबा के आँगन
बाबा के मेलवा मे होला भागम भागम
पूरा होइहे सब मनसा तोहार
जलवा हमहू चढ़ाइब ।