भोजपुरी देवी पचरा गीत – काली माई हो
भोजपुरी देवी पचरा गीत – काली माई हो
काली माई हो भगाई देतु कोरोनवा
भस्म करा खोली आपन तीसरा नयनवा
काली माई हो भगाई देतु कोरोनवा
जब से ये आइल मुहाल आराम होई गईले
सांसत मे सभकर अब जान होई गईले
कुटी कुटी काटा इनकर धरी गरदनवा
काली माई हो भगाई देतु कोरोनवा
घरवा ना चैन कही बहरवा डर लागेला
जेने देखा वोने लोगवा जान लेके भागेला
अबकी नवरातन मे देतु इहे वरदनवा
काली माई हो भगाई देतु कोरोनवा
अम्बा जगदंबा माई भवानी तू कहालु
नर नारी देवलोक सबसे तू पुजालू
जय जयकार होला तोर जमीन असमनवा
काली माई हो भगाई देतु कोरोनवा
बध कइलू माई जईसे चंड मुंड दानव
कृपा करा देशवा संकट हरा अब मानव
चरण में गिरि भारती करे तोर नमनवा
काली माई हो भगाई देतु कोरोनवा।