लाइब्रेरी
प्रोफाइल
अबोध बलकवा
अबोध बलकवा
1 min
364
माई मोर कईली शेरवा सवारी जी
अईले भक्त देवी तोहरी दुआरी जी
आपन रूपवा ये माई हमके तू दिखईह
अबोध बलकवा जानी जनी तू भुलईह।
बहुते असरा लगाई अइली तोहरी दुआरी
बजरे तोहार माई खोला तू केवाड़ी
दरस के पियास आस हमरो तू मिटइह
अबोध बलकवा जानी जनी तू भुलईह।
दिन दुखियन के दुखवा तू हरेलु
कोढ़ियन के काया बांझ अँचरा तू भरेलु
हम हई भिखारी हमके खाली जनी लउटइह
अबोध बलकवा जानी जनी तू भुलईह।
शुंभ के मरलु जाई निशुंभ के मरलु
दुर्ग रक्षसवा चढ़ी गरदन उतरलु
संतोष भारती आई सारथी तू बनी जइह
अबोध बलकवा जानी जनी तू भुलईह।
