સરનામું.

સરનામું 

પોસ્ટમેન દરવાજે આવ્યો.

"તમારા નામે એક પત્ર."

પોસ્ટ કાર્ડ પર ઓળખીતા અક્ષર હતા . તે અનુ ના હાથે મરોડદાર અક્ષરે સરનામું લખાયેલ પોસ્ટ કાર્ડ હતું.

આશ્ચર્ય  થયું ! અનુ ના તો પાંચ વર્ષ પહેલાં તો  લગ્ન થઈ ચુક્યા હતા.

કંપતા હાથે પોસ્ટ કાર્ડ ઉલટાવી વાંચવા લાગ્યો .

માત્ર ત્રણ લીટી લખેલી હતી—

"હું તને ક્યારેય મેળવી ન શકી... અને ક્યારેય ભૂલી પણ ન શકી.

જો આવતા જન્મમાં સરનામું બદલાય, તો, પણ આ પત્ર પાછો મોકલતો નહીં."

તે હસ્યો...

અને વર્ષો પછી પહેલી વાર, મન મૂકી ચોધાર આંસુડે રડી પડ્યો.