રેન રેન ગો અવે

ધોધમાર વરસાદ પડવાની આગાહી સાંભળી મજૂરના છોકરાએ ગભરાઈને પૂછ્યું, “મા, કાલે ભૂખ્યા જ સૂવું પડશે ?”

ખેડૂતના દીકરાએ ચિંતિત થઈને પૂછ્યું, “મા, આ વર્ષે પણ આપણો ઊભો પાક ખરાબ થઈ જશે ?”

શહેરના બાળકે પૂછ્યું, “વાહ ! મોમ... હવે સ્કૂલમાં રજા પડશે નહીં ?”

ખેડૂતના દીકરાએ ચિંતિત સ્વરે પૂછ્યું, “પિતાજી... આ વર્ષે પણ વરસાદ નહીં પડ્યો તો ?”

ત્યાંથી થોડેક દૂર સ્કૂલના ભણતા વિદ્યાર્થીઓ મોટે સ્વરે બોલી રહ્યા, “રેન, રેન, ગો અવે, કમ અગેન અનધર ડે.”