એક નવી દિશા - ૧૪

સોનેરી કિરણો સાથે મહેતા નિવાસમાં સવાર પડી પણ‌ ધ્યાના આજે કાંઈક મુંજવણમાં છે. પાયલ અને ક્રિષ્ના સાથે મળીને નાસ્તો બનાવે છે ધ્યાના બધા બાળકોને તૈયાર કરી આપે છે. સરિતા બેન પોતાની પુજા પતાવી બધા બાળકોને પ્રસાદ આપે છે.અનિશા ને બે ચોકલેટ આપે છે જ્યારે દિપ અને સાવનને એક આપે છે.

દિપ અને સાવન: દાદી અનિશા ને બે અને અમને કેમ એક ચોકલેટ ?

અનિશા : કારણ કે હું દાદીની લાડકી છું.

સરિતા બેન : દીકરાઓ તમારી કરતા નાની છે એટલે.

દિપ અને સાવન : ઓકે દાદી.

અનિશા : જોયું ભઈલું નાના હોવાનો ફાયદો.

દિપ અને સાવન : હા‌ હો ..

પરાગ ભાઈ: ચાલો ચાલો નાસ્તો કરી લ્યો સ્કૂલે જવાનું છે ને ?

દિપ સાવન અને અનિશા : હા દાદુ.

પરાગ ભાઈ અને સરિતા બેન બધા બાળકોને લઈને નાસ્તો કરવા બેસે છે ત્યારે રોહન આવે છે અને પોતાની લાડકી દીકરી અનિશા ને તેડીને દૂધ પીવડાવી દે છે.અનિશા ને દૂધ નથી ભાવતું એ વાત આખા ઘરમાં ખબર હોય છે પણ રોહન પીવડાવે એટલે તરત પી લેતી હોય છે.

પાયલ(રોહનને) : રોહન ભાઈ બહુ તોફાની છોકરી છે આ. તમે નહીં હોવ ત્યારે કોણ જાણે કેમ દૂધ પીવડાશે.

રોહન : હા એક જ ચિંતા છે મારી પરી ની

અનિશા : કેમ‌ પાપા ? તમે ક્યાં જવાના ?

રોહન : ના મારી લાડકવાયી દીકરી હું ક્યાંય નથી જવાનો.

અનિશા : ઓકે પાપા.

રોહન (અનિશાને તેડીને વ્હાલ કરે છે): મારી લાડકવાયી દીકરી અનિશા !

અનિશા : પાપા !

રોહન અનિશા અને બધા બાળકોને લઈને સ્કૂલ માં મૂકીને ઓફિસ જાય છે. આકાશ રોહન ને મળવા આજે આવવાનો હોય છે. પછી સ્કૂલ ટાઈમ પુરો થતા પાયલ બધા બાળકોને ઘરે લઈ આવે છે.તયાર પછી ધ્યાના બધાને નાસ્તો કરાવી હોમવર્ક કરાવે છે. અનિશાને હોમવર્ક નથી હોતું એટલે તે બહાર ગાર્ડનમાં જવાની જિદ કરે છે.

ધ્યાના સરિતા બેન ની પરવાનગી લઈને અનિશાને લઈને ગાર્ડનમાં જાય છે.

અનિશા : ધ્યાના ! પરિમા !

ધ્યાના : હા બોલ મારી પરી

અનિશા : તમે મારી મમ્મા ને જોઈ છે ?

ધ્યાના : હા

અનિશા : કેવી દેખાય છે મારી મમ્મા ?

ધ્યાના : બિલકુલ તારા જેવી.

અનિશા : તમને ખબર છે આજે સ્કૂલમાં બધાને મમ્મી વિશે બોલવાનું હતું.

ધ્યાના : ઓહ પછી તું શું બોલી ?

અનિશા : હું મારા પપ્પા વિશે બોલી.

ધ્યાના : શું બોલી પપ્પા વિશે ?

અનિશા : હું પપ્પા વિશે કવિતા બોલી અને બધા એ તાળી પાડી મારા માટે.

ધ્યાના : મને પણ કવિતા સંભળાવ .

અનિશા : ઓકે

"પપ્પા મારા વ્હાલનો દરિયો....

આંખોમાં જાણે મેઘધનુષ્ય....

ક્યારેક ગુસ્સો કરે તો ક્યારેક..

વ્હાલથી નિતરતો ઝરણું....

પપ્પા મારા વ્હાલનો દરિયો....

‌હેયામા‌ મુજને સમાવી ને....

આખા ઘરમાં મને શોધી....

ચોકલેટની લાલચ આપી....

એમની ઢીંગલી ચપટીમાં શોધે....

પપ્પા મારા વ્હાલનો દરિયો..."

ધ્યાના : ખૂબ જ સરસ ‌મારી પરી.

અનિશા : ઓહ મારે આઈસ્ક્રીમ ખાવો છે.

ધ્યાના : ઓકે પણ તું અહીઁ જ બેસીસ પ્રોમિસ કર

અંનિશા : પ્રોમિસ ચોકલેટ આઈસ્ક્રીમ ઓકે

ધ્યાના : ઓકે મારી પરી.

ધ્યાના અનિશા માટે આઈસ્ક્રીમ લેવા જાય છે અને બે-ત્રણ વ્યક્તિ આવી અનિશા ને કિડનેપ કરીને જતા રહે છે ‌.ધ્યાના પાછી આવી ત્યારે અનિશા એને ક્યાંય જોવા ન મળતા મૂંઝાય જાય છે.ધ્યાના‌ આજુબાજુ બધે જ તપાસ કરે છે પુછે છે પણ‌ કોઈ માહિતી મળતી નથી એટલે તે રોહન અને ઘરના સભ્યોને જાણ કરે છે. ધ્યાના રડતા રડતા ઘરે જાય છે. રોહન અને આકાશ પણ‌ ઉતાવળે પગલે ઘેર આવી જાય છે.ધ્યાના રડતાં રડતાં બધાને અનિશાના ગાયબ થવાની વાત કરે છે .

રોહન (બેચેની થી): ધ્યાના તે આજુબાજુ જોયું ? કોઈ ને પૂછ્યું ?

ધ્યાના (રડવા લાગે છે): હા મેં આખા ગાર્ડનમાં ચાર વખત જોયું. બધાને પૂછ્યું.

સરિતા બેન : દીકરા શાંત થા ચિંતા ના કર મળી જશે આપણી પરી.

પરાગ ભાઈ : હા દીકરા કાંઈજ નહીં થાય અનિશાને.

રાહી (ગુસ્સામાં): ભાઈ મને લાગે છે કે આ ધ્યાના એ જ અનિશા ને ગાયબ કરી હશે.

ધ્યાના : ના મેં કાંઈજ નથી કર્યું.મારો વિશ્વાસ કરો.

આકાશ (બહાર થી અનિશાને તેડીને) : અનિશા ઠીક છે.

રોહન (આકાશના હાથમાંથી અનિશાને લેતા રડી પડતાં ) : અનિશા મારી લાડકવાયી દીકરી અનિશા ક્યાં જતી રહેલી પાપા ને મૂકીને ? પાપા કેટલું ચિંતામાં આવી ગયા હતા?

અનિશા(રડતા રડતા) : પાપા ! કોઈક સટેનઝર મને એમની સાથે પરાણે લઈ ગયા હતા.

રોહન(અનિશા ને વ્હાલ કરતા) : તું તું ઠીક છે ને મારી પ્રિન્સેસ ? કાંઈ કર્યું નથીને ?

અનિશા (ડરીને) : ના પાપા.

અનિશા પાછી આવી જતાં મહેતા પરિવારના જીવમાં જીવ આવે છે બધા અનિશાને વ્હાલ કરે છે. બધા અનિશાને ઠીક જોઈ રાહતનો શ્વાસ લે છે રાહી મનમાં ગુસ્સે થઈ જાય છે. પાયલ અનિશાને જમાડીને પછી સુવડાવી દે છે.

રોહન (આકાશ ને):આકાશ તને અંનિશા ક્યાંથી મળી ? કેવી રીતે મળી ?

આકાશ : મને ગાર્ડનથી દૂર ફેક્ટરીમાં મળી. કેવી રીતે એ રાહી કહેશે. બોલ રાહી .

બધા (આશ્ર્ચર્યથી ): રાહી ! કઈ રીતે ?

ધ્યાના(ગુસ્સામાં) : એ રાહી નહીં કહે હું કહું છું, રાહી એ જ અનિશાનું કિડનેપ કરાવ્યું હતું.

આકાશ(રોષ સાથે): અને ધારા દિ ને ટેરેસ પરથી ધક્કો પણ રાહી એ જ માર્યો હતો.

રાહી (ગુસ્સામાં) : ના આ બંને જુઠ્ઠા છે.

આકાશ ધારાના અતિમ‌ સંસ્કાર વખતે રાહીની વાતચીતનું રેકોર્ડિંગ, કિશનને પૈસા આપે છે તે ફોટા અને અનિશાના કિડનેપીગના સબૂત બતાવે છે.

ક્રમશ: