વંદુ ગુરુજી

મુજ અજ્ઞાની જીવને જ્ઞાન પીયૂષ પાઈ કર્યા ધન્યે,

પામર આ  જીવને જગ દર્શન કરાવ્યાં ભવ્યે,

શિક્ષક દિને વંદુ હું , મારાં વંદન તવ ચરણે ગુરુજી !

અબુધ હું, જ્યોતિ સ્નેહ તણી જલાવી ઉરદીપે,

બુદ્ધ  પ્રજ્ઞા ભરી જીવન તેજે સોહાવ્યા સખ્યે,

શિક્ષક દિને વંદુ હું, મારાં વંદન તવ ચરણે, ગુરુજી !

સમજ  કુંચીથી દ્વાર ઉઘાડ્યાં સંસાર દર્શન શાં,

અવગુણ ના ધર્યા ચિત્તે,ધીરતાગાન ભર્યા ભાવશસ્ત્રે,

શિક્ષક દિને વંદુ હું, મારાં વંદન તવ ચરણે, ગુરુજી !

જીવન આ ગુરુજી તવ ચરણે સદા,એ ગુરુ દક્ષિણા,

જ્ઞાન દીધું જે,સર્વને દઈશ જગે, ઈશ સાધ્યા દિવ્યે,

શિક્ષક દિને વંદુ હું, મારાં વંદન તવ ચરણે, ગુરુજી !