વિચારો કે, જે વીતી ગઈ, એ વાત ગઈ

કોઈ એક, આંખનો તારો હોય, 

આપણને ખુબજ, પ્યારો હોય,

એ ખરી જાય, તો શું થયું ?

કેટલાંય એવાં, તારા ખર્યાં, 

તોય, કદી ના, ગગને આંસુ સાર્યાં !

વિચારો કે, જે વીતી ગઈ, એ વાત ગઈ....

કોઈ એક, જીવનનું ધ્યેય હોય,

આપણાં જીવનનું, અંતિમ લક્ષ્ય હોય,

એ નિષ્ફળ જાય, તો શું થયું ?

કેટલાંય એવાં, પ્રયત્નો હાર્યાં,

તોય, કદી ના, મનથી હિંમત હાર્યાં !

વિચારો કે, જે વીતી ગઈ, એ વાત ગઈ....

કોઈ એક, એવી ડગર હોય,

આપણી એ, મંઝિલ હોય,

શોધતાં એને, ખોવાઈ જવાય, તો શું થયું ?

કેટલાંય એવાં, ઢોળાવ આવ્યાં,

તોય, કદી ના, ચરણ થાક્યાં !

વિચારો કે, જે વીતી ગઈ, એ વાત ગઈ....

કોઈ એક, લાગણીની છોળ હોય,

આપણી એ, જીવાદોર હોય,

નિભાવતાં એને, તૂટી જાય, તો શું થયું ?

કેટલાંય અધૂરાં, અરમાનો હોય,

પણ, 'ચાહત' મનની, જો પૂરી થાય....

તો, વિચારો કે, વીતી ગઈ, એ વાત ગઈ.