તુજને મુજમાં હજુ રહેવા દે..!

પીડા થોડી હજુ સહેવા દે,

તુજને મુજમાં હજુ રહેવા દે!

આરઝુ છે આ જિંદગીને હજુ તુજ સંગ જીવવાની...

યાદોને રક્ત બની નસનસમાં વહેવા દે...!

 

"મૌન" છે હવે નવી ભાષા સંવાદોની,

જગ્યા નથી હવે કોઈ વાદ-વિવાદોની;

મૂક એ શબ્દોને અશ્ક બની વરસવા દે,

તુજને મુજમાં હજુ રહેવા દે...!

 

મન અને મસ્તિષ્ક વચ્ચે દ્વંદ્વ છે ભારે,

તોફાનો અંતે લઈ જશે કિનારે,

હારેલ હૈયાને જંગ આ જીતવા દે...

તુજને મુજમાં હજુ રહેવા દે...!

 

દર્દનો હવે કોઈ વિકલ્પ નથી,

પણ, વિરહ એ પ્રેમનો અંત નથી,

ઘાયલ આ લાગણીઓને સાબિત એ કરવા દે,

તુજને મુજમાં હજુ રહેવા દે..!