તમારા ગયા પછી

થાવું નથી ઉદાસ તમારા ગયા પછી,

યાદો જ આસપાસ તમારા ગયા પછી. 

જીવી જવાય ખાસ વચન પાળવા અહીં, 

બોલો લઉં ને શ્વાસ તમારા ગયા પછી ? 

સ્વીકારી લે જુદાઈ હકીકત છે પ્રેમની, 

ચાહી શકું અમાસ તમારા ગયા પછી. 

મનમાં સવાલ થાય કરું શું હવે કહો. 

ઈશ્વર થશે વિકાસ તમારા ગયા પછી ?

સાચે હવે ગુલામ બદીઓનો નહીં 

છોડી શકાય દાસ તમારા ગયા પછી ?

સાગર કદી ભરાય કે છલકાય કેમનો ? 

ભીતર કરી તપાસ તમારા ગયા પછી.

મન ડંખતું અપાર કહીં ના શકું હવે, 

મનમાં સતત એ ભાસ તમારા ગયા પછી.

લાગ્યું હવે સમાજ કહે તેમ થાય તો ?

ફેલાય તો સુવાસ તમારા ગયા પછી. 

મુઠ્ઠી ભરી શકાય બનાવીને યાદ કે, 

ચ્હેરે અનેક ચાસ તમારા ગયા પછી !