સમય લાવવો પડે છે

સારો સમય હોતો નથી, લાવવો પડે છે,

ફળ માટે અંગે પરસેવો પાડવો પડે છે,

ફક્ત તકદીરના સહારે ન બેસ, માનવ,

પરિશ્રમથી પારસમણી બનાવવો પડે છે,

સપનાં જોવાએ કોઈ ખોટી વાત નથી,

પૂર્ણ કરવા ડગ આગળ માંડવો પડે છે,

જીવનમાં મીઠાશ જ હોય,જરુરી નથી,

ક્યારેક કડવો પણ રસ ચાખવો પડે છે,

એમ જ ક્યા કર્મનું ચક્કર પૂર્ણ થાય !

ખુદના પીંડને કર્મના ચાકડે ચડાવો પડે છે,

ઊર્જા' આ તો પરિવર્તનનો યુગ છે, માટે,

અનિચ્છાએ સ્વભાવ બદલાવો પડે છે.