શું લખું

જ્યાં વેદશાસ્ત્રો પામે હાર તારા માટે હું શું લખું ?

ન આવે હરિ કોઈ હારોહાર તારા માટે હું શું લખું ?

સવાયા શબ્દો, છંદ, અલંકારને ભાષાનો ભપકો,

ના આકર્ષી શકતા તને લગાર તારા માટે હું શું લખું ?

શેષ શારદા પણ હોય અસમર્થ તને આલેખવામાં,

આખરે હું માનવમતિ ગમાર તારા માટે હું શું લખું ?

અલંકારે છો અનન્વય વર્ણવતા કલમ પણ રાંકડી,

છેવટે સ્વીકારી લેતી એ હાર તારા માટે હું શું લખું ?

વિષય છે અનુભૂતિનોને મૌન સેવવામાં જ હો સાર,

તું મારા માટે સર્વસ્વ સરકાર તારા માટે હું શું લખું ?