શું આ પ્રેમ હોઈ શકે ?
શું આ પ્રેમ હોઈ શકે ?
આમ, અચાનક ! હા અચાનક,
આવતો પ્રેમનો ઉભરો પ્રેમ હોઈ શકે ?
મનોમન ચાહતનો ખ્યાલ પ્રેમ હોઈ શકે ?
વિખરતા વાદળોને, હળવી લાગણીઓ,
કયા શબ્દોમાં માંગી શકું આ મીઠી માંગણીઓ,
હળવા પળોમાં મિલન, ને પરિભાષા પ્રેમની,
શું ? આમ આબેહૂબ શબ્દોને ચિતરવું,
પ્રેમ હોય શકે ?
પ્રેમથી જુઓ તો સાવ ભોળી, નાજુક ને સ્નેહ સભર,
એના આવવાની આતુરતા ને ઝંખના મનોમન,
શું આ પ્રેમ હોઈ શકે ?
વહેલી પરોઢનું પ્રકાશનું ઝગમગતું ઝાકળ, ને'
અધૂરા ક્ષણો અને નિ:સ્વાર્થ પ્રેમની લહેર, કે '
કોઈ ગમતું ગુલાબ..., ને ગુલાબના ફૂલ જેવી,
કોઈ સ્પર્શ એને તો લજામણીના છોડ જેવી.
શું આ બધું પ્રેમ હોઈ શકે ?