શંકા
શંકા
વિશ્વાસની બુનિયાદને હચમચાવી નાખે છે શંકા.
સુંવાળા સંબંધો તણાં મૂળનેય છેદી નાખે છે શંકા.
અવિશ્વાસનું વાતાવરણ આપોઆપ ઊભું થતું,
ભરોસાની વાતને એ વિસારે પાડી નાખે છે શંકા.
સંબંધો પર પૂર્ણવિરામ મૂકવાને સક્ષમ છે સદા,
જીવનની પારદર્શિતાને મિટાવી નાખે છે શંકા.
હરવખ્ત શંકા સત્ય હોય એ જરુરી પણ નથી,
સંશયના બળે હેતભાવ વિખેરી નાખે છે શંકા.
વિશ્વાસે વહાણ ચાલતાં એ બહુ જૂનું થયું છે,
પારસ્પરિકતાના પ્રભાવ લુપ્ત કરી નાખે છે શંકા.