સહજ
સહજ
કોઈ પાયલની ખનક સંભળાય તો
તારી યાદ આવવી સહજ છે ;
જો અચાનક અવાજ બંધ થઈ જાય તો
તારી યાદ આવી સહજ જ છે...
પ્રેમીના સ્પર્શની લાલ ગુલાબી જોઈ
અજાણ્યે શરમાઈ જવું એ સહજ છે ;
અનેક ઘાટા રંગોમાં
રંગ ફિકો મારા હથેળીનો ગમવો સહજ જ છે...
રાતે ચંદ્રને જોઈ,
થોડુ રડી લેવું સહજ જ છે ;
ચાંદનીના પ્રેમીને દૂર થતા જોઈ,
થોડું હરખાવવું પણ સહજ જ છે ને...
શણગાર આભૂષણોનો જોઈ
તારી આંખોના દર્પણને શોધવો સહજ જ છે ;
પહેરવેશ તો તારા રંગનો જ છે
તો કાચનો તિરસ્કાર પણ સહજ જ છે ને...
તારા નામ જેવું કાંઈક અનુભવી
ચારેકોર ખજાનો જાણે ખોજવો સહજ જ છે;
તારા નામની વાત સાંભળી
હૃદયની ભરતી ઓટ પણ સહજ જ છે ને...