સારાં લાગો છો

તમે હસતાં સારાં લાગો છો તો અમસ્તાં સારાં લાગો છો,

અમ સ્નેહ તાંતણે તંબુમાં તમે વસતાં સારાં લાગો છો,

અમે વાત અધૂરી કહી કહી તમે સંભાળ્યા કરતા અહીં તહીં,

હવે માર્મિક ઈશારા આંખોના સમજતાં સારાં લાગો છો,

અમે મેઘ ઘટાળા શામળિયા તમે વરસતી મીઠી વાદલડી,

નીરખી કદી એ મેઘ સમાં ગરજતાં સારાં લાગો છો,

અમે ધરા ગજવતા રત્નાકર તમે મીઠી વહેતી નિમ્નગા,

ગાઢ પ્રવાહે સમાવવા નીજ તરસતાં સારા લાગો છો,

અમે જગત પ્રકાશિત દિવાકર તમેં ટમટમ કરતાં ચાંદલિયા,

મધ્ય નિશાએ નિરખીયે નભ ચળકતા સારાં લાગો છો,

અમે મધુકર ભમી રસ ચૂસનારા તમે ગુંથેલાં હાર ફૂલમાળા,

રંગ ખીલેલી ચાદર ઓઢી મહેકતાં સારા લાગો છો,

અમે આગ ઉગરતા અંગારા તમે નાની અમથી દીવલડી,

સાંજ સમયે 'દીપ' સમાં પ્રજવલતાં સારાં લાગો છો.