સાચો રક્ષણહાર

શિક્ષણનો હું જ્યોતિર્ધર ને,

શાળા વર્ગખંડનો હું જ્ઞાનીધર....!

ભણતરનો હું ચણતરહાર,

મારી વાણીમાં છૂપાયું માધુર્ય અપાર...!

શાળા કેરા બાગનો માળી,

કળીઓ મહીં ફૂલવાડી ખીલવનાર...!

ગણગણતા ભમરા સંગે,

મારો નાદ સદા હું વહેતો કરનાર...!

જ્ઞાનરૂપી દીપકનો અંગે,

અદ્ભૂત અનેરો પ્રકાશ પાથરનાર..!

શબ્દ સમૃદ્ધિ સૃષ્ટિમાં,

નવી નવી ક્ષિતિજો હું જગાડનાર...!

બાળ ભાવિ ઘડવામાં,

નિજનો સ્વાર્થ કદી નહીં જોનાર...!

આકાંક્ષાઓ જાગૃત કરી,

નવાં નવાં શિખરો સર કરનાર...!

ત્યાગ, સમર્પણ, અર્પણ કરી,

નવી રાહનો હું સાચો રક્ષણહાર...!