રેશમી રૂમાલમાં
રેશમી રૂમાલમાં
તારા હોવાનો અહેસાસ થાય છે રેશમી રૂમાલમાં,
ગેરહાજરી પણ જાણે વર્તાય છે રેશમી રૂમાલમાં .
અસ્તિત્વ તારું રખેને ઓગળી ગયું હશે રૂમાલમાં,
તારો અજ્ઞાત સંદેશ ત્યાં વંચાય છે રેશમી રૂમાલમાં.
રંગવૈવિધ્ય આકર્ષી જનારું હરકોઈને નજરાતાં,
તારી કરાંગુલિનો સ્પર્શ જણાય છે રેશમી રૂમાલમાં.
હસ્તરેખાઓ તારી એ રૂમાલને ચૂમનારી હશેને,
યાદ તારી અવિરત સદા ટપકાય છે રેશમી રૂમાલમાં.
કદીક વિયોગે બેચાર અશ્રુબિંદુઓ સંઘર્યાં શકે,
મુજ નૈનાશ્રુઓનો અભિષેક થાય છે રેશમી રૂમાલમાં.