રાખું છું

ગુલાબનું સૌંદર્ય ‘ને, નજાકત જુઈની રાખું છું,

અબળા છું ભલે પણ, કલમ ધારદાર રાખું છું !

લખી ઘણીય લાગણીઓ, દિલનાં કાગળ પર,

મનને અડી જાય એવી કોઈ, હાંસિયામાં રાખું છું !

નિભાવ્યાં કેટકેટલાં સંબંધો, બધાંય દિલથી,

સંબંધ એક નડતરરુપ, હંમેશા સાથ રાખું છું !

પૂરી કરી કેટલીય, ઈચ્છાઓ જીવનમાં,

અરમાન એક અધૂરું, જીવવાને ખાસ રાખું છું !

રુઝાયાં ઘણાંયે જખ્મો, જીવન સંસારમાં,

દુઝતો એક ઘા, હૃદયને યાદ અપાવવા રાખું છું !

જીવાતી ગઈ જિંદગી, દર્દ અને ખુશીનાં સંગાથમાં,

'ચાહત' કોઈ અધૂરી, જીવવાને ખાસ રાખું છું !