પ્રભુતાની પ્રતિમા

પ્રભુતાની પ્રતિમા કે પ્રતિમા પશુતા કેરી ?

હેરી હેરી આાંખો મેરી માનવીને ન્યાળે છે,

પશુની નકલ કરી અકલ દેખાડનારો

શકલ પોતાની દેવતાઈ હવે હારે છે.

જનાવરો કેરો આ તો જમાનાજૂનેરો ભય,

માનવ–સૃષ્ટિમાં ભીડાભીડ ભારી જામી છે !

નકલ કરીને આગે દેખાતો અકલવાન,

હવે તો એ નકલ અસલપણું પામી છે

પશુઓ પોકારે, પ્રભુ અમારી અસલીઆત,

પાશવતા અમારી તો આમ મારી જાય છે

નકલપણાનો તું ય દિસે છે ઉસ્તાદ કોક

અસલ પ્રભુને તેં ય લૂંટેલો દેખાય છે !