પંખો

ઓરડાની છત સામે જ્યારે જ્યારે જોઉ છું...

અવિરત ફરતાં તને નિહાળું છું...

ના કોઈ સગપણ ને ના કોઈ નાતો...

એક સ્વીચ દબાવતાં જ તું કેવી ટાઢક આપતો,

મન મરજી પ્રમાણે તને ફેરવતી,

તોય ક્યારેય તું ના થાકતો...

એક જ ઓરડામાં અલગ અલગ વ્યક્તિ સાથે તું જિંદગી ગુજારતો,

છોડીને જાય ઘર કોઈ તો ક્યારેક કોઈની સાથે જાતો,

નહિ તો એ જ ઓરડામાં નવા માણસો સાથે તારો નાતો,

કેવું તારું જીવન ને કેવી તારી વાતો,

એક જ ઓરડામાં તું કેવો સમય વીતાવતો ?

ઓય મારા ઓરડાનો પંખો..

નિર્જીવ તું, તો પણ કોઈના માટે પોતાની જાત ઘસવાનો તું ખરો સબક શીખવાડતો.