પેલા ઘમ્મર વલોણાંનો નાદ સાંભળી
પેલા ઘમ્મર વલોણાંનો નાદ સાંભળી
બા ચાલને પેલા ગામડે જઈએ રે
ગામડાની મીઠી મીઠી છાશ પીએ રે
પેલા ઘમ્મર વલોણાંનો નાદ સાંભળીએ રે...
દૂધ સાથે દહીં વલોવીએ રે
માખણની મીઠાશ માણીએ રે
પેલા ઘમ્મર વલોણાંનો નાદ સાંભળીએ રે...
ગાયના ઘીમાં શીરો બનાવીએ રે
સૌને આનંદે હોંશે હોંશે વહેંચીએ રે
પેલા ઘમ્મર વલોણાંનો નાદ સાંભળીએ રે...
ગાય સાથે કૃષ્ણની દોસ્તી રે
તેના દૂધ પીને શક્તિ મેળવીએ રે
પેલા ઘમ્મર વલોણાંનો નાદ સાંભળીએ રે...
ઉનાળાની બપોરે ઠંડક મેળવીએ રે
ધરતી પરના અમૃત છાશની મજા કરીએ રે
પેલા ઘમ્મર વલોણાંનો નાદ સાંભળીએ રે...