નિયતિ

તલભાર ન થાય ફેરફાર નિયતિના નિયમમાં. 

આખરે થવાનું જે થનાર નિયતિના નિયમમાં. 

હોય ભલે મોટા ચમરબંધી ધરાને ધ્રૂજાવતા,

એની પણ કર્મ પાસે હાર નિયતિના નિયમમાં. 

લખે લેખ વિધાતા જન્મના છઠ્ઠા દિવસે ઘરે,

એ નહીં બદલતા લગાર નિયતિના નિયમમાં. 

સિધ્ધાંત કર્મનો અટલને અફર છે જગતમાં, 

કર્યું એ પામવાનો વહેવાર નિયતિના નિયમમાં.

સત્તા કર્મની છે સર્વોપરી સર્વને ઝૂકાવનારી,

જેમાં માત્ર કર્મ આધાર નિયતિના નિયમમાં.