ને પછી

રોનક મારા ઘરની તું આમ કયાં ગઈ,

ને પછી કુમકુમ પગલે ઘર છોડી ગઈ.

માંડ હજુ જન્મી એ,મોટી કયારે થઈ,

ને પછી નાદાન હતી,સમજણી એ થઈ.

આમ તો તું ધાર્યું કરતી મરજી મુજબનું,

ને પછી જવાબદારી ઉપાડીએ ગજબનું.

સાવ નાની છે હજીએ અમારા માટે તું,

ને પછી અનુભવે પગભર બની મોટી તું.

ખરી ઉતરી જીવનની હરેક કસોટી પર,

ને પછી થયું શું અંતે નીજથી તું થઈ પર.

વિદાય અણધારી લીધી કંઈ કહ્યાં વગર,

ને પછી આદત ના જીવીશું કેમ તારા વગર.