મૂક વાચા દિલની

વેદનાની એક અભિવ્યક્તિ આંસુ,

વાચા મૂક બને ત્યાં પડે છે આંસુ,

આંસુ પલટે જીવનનું પાસું !!

મનનાં મુંઝારાથી બનતું એ આંસુ,

લાગણીઓનાં એ ઝગારા મારતું,

આંસુ પલટે જીવનનું પાસું !!

કેટલું સચાવાયેલુ એ કિંમતી આંસુ,

પોતાનાંથી છેતરાયો ને પડ્યું આંસુ,

આંસુ પલટે જીવનનું પાસું !!

જીગરનું હોય અમીમય એ આંસુ,

લાગણીઓનું ઉપવન ચોમેર છવાતું,

આંસુ પલટે જીવનનું પાસું !!

એક પસ્તાવાનું જો બની જાય આંસુ,

જીવન તો સદાય ધન્ય બની જવાનું,

આંસુ પલટે જીવનનું પાસું !!