મશહૂર થવું પડે, કાં ચકચૂર થવું
મશહૂર થવું પડે, કાં ચકચૂર થવું
1 min
191
એક પુરાવો આફત લાવવા ઓછો ન પડે...,
ગીફ્ટ, ફોટા ને પત્રો, છૂપાવીને મૂકવા પડે...!
લાગણીના વંટોળનાં, વલયને ઢાંકવા પડે...,
કોઈ જુએ તો નયનો, ઝૂકાવી રાખવા પડે...!
ઘણીય ગુપ્ત કસોટી, એવીય આપવી પડે...,
નિંદર ન આવે ને, આંખો બંધ રાખવી પડે...!
કેટલા ઘાવ પડ્યા ચંદ્ર પર કોને ખબર પડે...?
ઝખમ છૂપાવવા ખોટા ડાઘ લગાવવા પડે...!
એ મિલન જીવનમાં કેટલું યાદગાર બને...,
જેમને મળવા ઘરે બહાના બતાવવા પડે...!
કહે 'ઘનશ્યામ' પ્રેમમાં, બે વિકલ્પ મળે...,
કાં મશહૂર થવું પડે, કાં ચકચૂર થવું પડે...!