મને વીંટળાયો આ પવન પરખનો

 ધરા મંગલા તું ચોતરો અકળનો

 મને વીંટળાયો આ પવન પરખનો,

પુનિત આભા, નભ સજે પ્રગટતી દૈવી

 અક્ષય ભંડારા, ભરતી રમતી નિયતિ

 અહેસાસ ઝીલું ભીતરે હું અલખનો

 મને વીંટળાયો આ પવન પરખનો

શમે જલતરંગો ચાંદની સંગ લહરી ઉરે

ઝૂમતી ગાતી કુદરત હસી આ સોળસી

પરમથી પ્રગટી ઝગમગાવે ગેબી ખજાનો

મને વીંટળાયો આ પવન પરખનો,

 

અનુભૂતિએ એ ઓળખાણો નિરાકારી

 અહેસાસ ઝીલું ભીતરે નિત અલખનો

 મને વીંટળાયો આ પવન પરખનો.