મને ભીંજવતો તારો વરસાદ

વરસે વરસાદ અને આવે તું યાદ,

કેવી રીતે કરુ આ વરસાદનો આભાર !

તું નથી પણ તારા હોવાનો છે ભાસ,

ભીની માટીમાં તમારા પગલાંનો જ છે આકાર !

માટીની સુગંધથી મંત્રમુગ્ધ બની,

સૂઝબૂઝ બધી હુ ખોઈ બેઠી !

જયારે પવનમાં તમારું નામ સંભળાય છે,

અહલાદક આનંદની અનુભૂતિ થાય છે !

તારા આવવાની ખુશીમાં,

ઇન્દ્રધનુષની રંગોળી રચાય છે !

મનના મોરલા નાચી ઊઠે છે,

જયારે વહાલનો વરસાદ થાય છે !

આકાશ મદમસ્ત બની જાય છે,

જયારે એકમેકમાં ખોવાઈ જવાય છે !

મનમાં આનંદનો અતિરેક થાય છે,

જયારે તુ મને ભીંજવી જાય છે.