મંદિર
મંદિર
જીવનની અણધારી ફિલસૂફી,
કયારેક સુખ, કયારેક દુઃખની બલિહારી !
ક્ષણે ક્ષણે સન્મુખ થવાની,
દિવાલોથી આંતરેલી 'મંદિર 'નામે કૃતિ !
શ્રધ્ધાંની શાહુકારી રાંક અમીરોથી ભરેલી,
જગા નતમસ્તક થવાની ને આંસુ સારવાની !
જગ આખુય જ્યારે વળે ઘેરી,
મંદિર તુજ સીડીઓ મુજ રાહી !
ઘંટારવ, ધૂપ ને જ્યોત દિવાની બળતી,
કતાર નીત વાંચ્છુકોની જમાં થાતી !
કોઈક નિષ્ઠુર ને ગરીબની લોભણી ,
ને અમીરથી'ય અમીરની આ ડેલી !
વિશ્વાસ ઈચ્છા પૂર્તિનો પ્રજા લઈ આવતી ,
વિશ્વાસથી ભરપૂર થઈને વળતી !
એ કપાળે કંકુનું ટિકું,
એ પરિક્રમણ મંદિરનું,
એ ઝાલર ને શંખનાદ,
એ આરતી ,જોમ પાથરતી !
કહેવાય છે ઈશ્વર વસે એ કને,
વર્તાય હાશકારો ત્યારે મને ,
આંસુ માનવી ધરે ને,
દિલાસો ધરતી પેલી મૂરતી !