મળે ના મળે

ઊગતી ઉષાની લાલિમા

અને આથમતી સંધ્યાના રંગે રંગી લઈએ આ જીવન,

ફરી આ ક્ષણ આ પળ મળે ના મળે,

અવનીને ધરાનું મિલન ક્ષિતિજે

રચે સુંદર અદભૂત દ્રશ્યો

ચાલ ! એને માણી લઈએ

ફરી આ સાંજ મળે ના મળે,

ઉદય એનો અસ્ત છે,

જીવન એનું મૃત્યુ છે,

ઘટમાળ છે આ જીવનની

મળ્યું છે જીવન તો જશ્ન મનાવી લઈએ

ફરી આ મનુષ્ય અવતાર મળે ના મળે,

જીવન છે પરપોટા જેવું ક્ષણિક

ક્યારે ફૂટી જશે કોને ખબર !

જે નથી મળ્યુંં એનો અફસોસ શું કરવો ?

છે એને માણી લઈએ,

ફરી આ મોંઘેરી મૂડી મળે ના મળે.