મહોરું

સંસાર સાગરે મોજા ઉઠે લગાતાર,  

ચાલતા રહે જીવન ભર નિરંતર, 

બની શકે છે સારાનરસા કે મિક્ષણ 

પણ જીવન જીવવું પડે હર ક્ષણ.

જીવવું કોની સાથે ખુમારી કે લાચારી ? 

એની તો પસંદગી હશે ખુદ તમારી, 

દુઃખ ભર્યું મોઢું દેખાડશે મજબૂરી, 

હસતું મોં પ્રમાણિત કરશે ખુમારી.

તમને દુઃખી જોઈ ને લોકો તો હસશે, 

વગર સ્વાર્થે કોઈ મદદ ન કરશે, 

છુપાવી દુઃખને જીવવું એ કારીગરી,  

થશે અંદર પેદા આત્મશક્તિ તમારી. 

ભલેને જીવનમાં હોય ઘણા જ દુઃખો 

ચહેરો તમારો સદા હસતો રાખજો, 

આપો આપજ મળતા જશે નવારસ્તા, 

ન ક્યારેય બીજાના ભરોસે બેસતા.

ખુશીઓ તણું મહોરું સદા બચાવશે,  

ખુદ દુઃખો તમારી ખુમારી વધારશે, 

રોવું આવે તો એકલા જઈ રડી લેજો,  

પણ નીજ વ્યથા કોઈને કહીના દેજો