માટી

માટી મહીં ઘડાયો માનવ દેહ,

માટીમાં એક'દી ભળી જશે..

સંસારની મોહ-માયામાં,

આ જીવન આખુય વીતી જશે..

જપી લે પ્રભુનું નામ જલ્દી,

મલેકન મોત આવી જશે..

ગરીબોની મદદ કરતો જા,

પુણ્ય તારી સાથે રહી જશે..

માટી મહીં ઘડાયો માનવ દેહ,

માટીમાં એક'દી ભળી જશે..

ખુલ્લા મનથી જીવી લેજે,

નહીં'તો આશા અમર રહી જશે..

મારુ તારું કરવામાં,

જિંદગી આખીએ એળે જશે..

ફુલની જેમ મહેંકતા શીખ,

જીવન ધન્ય થઇ જશે..

માટી મહીં ઘડાયો માનવ દેહ,

માટીમાં એક'દી ભળી જશે..