મારી પ્રિય ચ્હા

પ્રિય ચ્હા...તું મને ગમે છે,

કારણ અગણિત છે.. .બસ, તું જ મને ગમે છે.

તારો એક કપ શુ કમાલ કરી જાય છે,

સૂતા લોકોની ઊંઘ ઉડાડી જાય છે.

મોર્નિંગ અલાર્મની જેમ,

આખી દુનિયાને જગાડી જાય છે.

કોઈકના માટે સવારે તારો કડક -મીઠા સ્વાદવાળો,

એક કપ પણ ચાલી જાય છે,

તો કેટલાક માટે દસ કપ પણ ઓછા પડી જાય છે.

દુઃખમાં ગમ ને ભૂલાવવા અને સુખમાં ખુશીઓ વધારવા,

તારુ જ તો નામ લેવાય છે.

તું જ તો છે...જે દરેક માહોલમાં સેટ થઇ જાય છે,

એક દિવસ ના મળે..તો દિવસભર યાદ આવે છે.

તારી સાથે પારલે-જી મળી જાય..

બસ..એમાં જ જિંદગીનો પરમ-આનંદ છે,

બાકી બધુ તો બસ મોહ-માયા છે.

સવારે ઘરની રસોઈમાં અને રાત્રે તફરી પર

હું તારી જ તો રાહ જોવ છું.

તેથી તું મને ગમે છે, તું મને બહુ ગમે છે.