મારા પિતા
મારા પિતા
પિતા તો મારા છે તપતા સૂરજ
પિતાનાં ચરણોની લેજો તમે રજ,
સૂરજ તપીને આપે છે ઉજાસ
પિતાનાં ક્રોધમાં પણ છે સુવાસ,
સૂરજ આપે ધરાને ગરમ લાયો
પિતા કુટુંબને આપે શીતળ છાંયો,
સૂરજ છે સૌ જીવોનો આધાર
પિતા વિના ઘર બને નિરાધાર,
સૂરજ તો કયારેક બાળે કે ઠારે
પિતા સદા હોય પરિવારની હારે,
સૂરજ તો ધરા પર ઓકે આગ
પિતાનાં હૈયામાં વિરહનો ફાગ,
સૂરજ કરતા મારા પિતા મહાન
મારા પિતા માટે જીવન બલિદાન.