મા ની મહિમા

બા કહો મા કહો ભલે કહો એને મમ્મી

વાત્સલ્ય વિરડીમા ના આવે ઓટ કદી,

સંતાનોની સફળતા કાજ પત્થરોય પૂજતી

એક મા જ છે જે રાખે બાધાને આખડી,

વસતા હો ભલેને વિદેશ દિકરો કે દીકરી

પળેપળ ચિંતાતુર રહેતી એ માવલડી,

હોય ચાર દિવાલોની અંદર જ મા રહેતી

આવી પડે વિપદા સાહસ અનેક ખેડતી,

હોય ના જે ઘર પરીવારમાં માની હયાતી

એમનું જીવન છે અમાસની અંધારી રાતડી,

અગણિત ઉપકાર કર્યા મા બાળપણ સીંચી

દઝાડશો ના ક્યારેય એ મા ની આંતરડી,

ચાલતા શિખવ્યુ જે મા એ પકડીને આંગળી

બની શકાય તો બનજો વૃધ્ધાવસ્થાની લાકડી,

કરશો સેવા ચાકરી તો ઠરશે મા ની આંતરડી

માતૃઆશિષથી નથી મોટી કોઈ દૈવત્ય શક્તિ.