કોઈ પડીકાં બાંધે છે

જૂના કાગળ રળતાં મોતી પકડી પકડી કોઈ પડીકાં બાંધે છે

જગ આખામાં ભુપ બનીને રખડી રખડી કોઈ પડીકાં બાંધે છે

કાગ-કબીરા સરવાણીને મચડી મચડી કોઈ પડીકાં બાંધે છે

અણસમજૂ સજ્જન દેખાડી બગડી બગડી કોઈ પડીકાં બાંધે છે

ગીતા - કુરાન બાઇબલ સૂત્રો અડકી અડકી કોઈ પડીકાં બાંધે છે

રાધા - મરીયમની વાતોમાં લથડી લથડી કોઈ પડીકાં બાંધે છે

ત્રાજવડાના પલ્લે પલ્લે મચડી મચડી કોઈ પડીકાં બાંધે છે

ભીતરનો દીવડો ન દેખે જગડી જગડી કોઈ પડીકાં બાંધે છે

ૐ કારના નાદમાં કાયમ ખખડી ખખડી કોઈ પડીકાં બાંધે છે

જીહવાના સૌ જાદુમંતર બબડી બબડી કોઈ પડીકાં બાંધે છે